كتبت: اروي عصام 

كشفت النجمة اللبنانية نيكول سابا عن التغييرات العاطفية الكبيرة اللي طرأت على شخصيتها بعد تجربة الأمومة، مؤكدة إنها أثرت فيها بشكل غير متوقع. وخلال لقائها في برنامج “كلام نواعم” على قناة MBC1، قالت:

“الأمومة ضعّفتني من جوه، رغم إنها مفروض تقوّي، لأنها بتخليكي مسؤولة عن حياة تانية، لكن على المستوى الإحساسي، بتخليكي أكتر شفافية ورهافة، وتصيري كتير حساسة.”

وأضافت:

“نظرتك للناس والدنيا بتتغير.. بتصيري أرقى وأهدى، حتى ردود أفعالك بتصير أهدى، لأنك بتفكري ببنتك قبل أي شي.”

نيكول اللي اعتادت تقديم أدوار قوية ومركّبة، نفت أي شعور بالندم على مشاركتها في مسلسل “الهيبة – العودة” عام 2018، وأكدت في برنامج “آخر الأسبوع” على قناة أبو ظبي:

“بالعكس، دوري فيه كان من أكتر الأدوار اللي اعتبرتها تحدي، وأنا فخورة بيه جدًا.”

وعن أحدث أعمالها، تحدثت نيكول عن شخصية “روكا” أو رقية العسكري في مسلسل “وتقابل حبيب” اللي عرض في رمضان 2025، وقالت إنها شخصية شريرة لكن تمتلك كاريزما وأهداف واضحة، وأضافت:

“هي مش شريرة لمجرد الشر، لكن بتعرف تحقق اللي هي عايزاه، وده كان مثير للاهتمام بالنسبة لي.”

الشخصية تسببت في مشاكل عائلية كبيرة بعد زواجها من “يوسف أبو العزم” اللي قدمه خالد سليم، وانتهى مصيرها نهاية مأساوية بعدما خانت زوجها وورطته في أعمال غير قانونية، فقرر قتلها وقتل نفسه.

مسلسل “وتقابل حبيب” بطولة ياسمين عبد العزيز، خالد سليم، نيكول سابا، كريم فهمي، أنوشكا، صلاح عبد الله، بسنت شوقي، ومن تأليف عمرو محمود ياسين، وإخراج محمد الخبيري، وإنتاج شركة سينرجي