تحدثت الفنانة منى زكي عن أحدث أعمالها السينمائية فيلم «رحلة 404»، الذي يعرض حاليا في دور عرض السينمات، مؤكدة أن العديد من المنتجين رفضوا هذا الفيلم بسبب إنه غير جماهيري، وأشارت إلى أنها لم تتخيل أنه سيصنف «+18».

منى زكي: «إحنا مش ربنا وكل البني آدمين بتغلط»

وقالت منى زكي خلال لقائها في برنامج «الحكاية» المذاع عبر قناة Mbc مصر مع الإعلامي عمرو أديب: «الفيلم مصنف للكبار فقط ومكنتش متخيلة إنه يصنف +18 يعني قولت ممكن 16+».

وتابعت: «ومن أول يوم وأنا حباه ومش شايفة إنه فيه حاجة وحشة، بالعكس حابة الفلسفة اللي وراه، وبعد ما صورنا شوية من الفيلم بدأت أفهم إزاي الناس ممكن تطلعك على المسرح فقلقت شوية».

واستكملت: «إحساس إنك تقرف من شخصية غادة في الفيلم، ولازم نفهم إن إحنا مش ربنا، وكل البني أدمين بتغلط وليهم أخطاء حسب نسبة الخطأ».