انفراد.. والدة ياسين: ابني دخل القاعة ببزّلة الأبطال وبمسدسه اللعبة

انفراد.. والدة ياسين: خفت على نفسيته.. فخلّيته يحس إنه بطل زي سبايدر مان

انفراد.. والدة ضحية دمنهور: القناع كان درعه النفسي في آخر مشهد مؤلم

انفراد.. والدة ياسين: قلت له إن اللي أذاك هيتكلبش.. وانت رايح تنتصر مش تنكسر

انفراد.. والدة ضحية واقعة دمنهور: ألبسته قناع "سبايدر مان" حتى لا يظهر وجهه في المحكمة

قالت والدة الطالب ياسين، ضحية واقعة دمنهور، إنّها جعلت نجلها يرتدي قناع سبايدر مان في محاكمة اليوم، لأنها أرادت ألا يظهر وجهه تحسبا لأي شيء. 

وأضافت، في مداخلة هاتفية مع الإعلامية بسمة وهبة، مقدمة برنامج "90 دقيقة"، عبر قناة "المحور"، أنها لجأت إلى هذه الفكرة بعد تفكير، مشيرة إلى أنها خشيت أن يشعر نجلها بالضيق من ارتداء الكاب أو النظارة الشمسية لفترة طويلة، فقررت أن يرتدي القناع الكامل لشخصية "سبايدر مان" ليغطي وجهه بالكامل عدا عينيه. 

وأوضحت:"جات في دماغي فكرة إني ألبسه القناع بتاع سبايدر مان عشان يغطي كل وشه عدا عينه، وجه في بالي إنه هيزهق من الكاب والنظارة الشمسية، وحاولت أقنعه بالماسك رغم إنه كان خانقه في الأول وعرفته إنه زي سبايدر مان وإنه بطل". 

وتابعت: "قلت له إن اللي عمل كده الكلابشات هتبقى في ايده، وكان رايح بالمسدس اللعبة بتاعه في القاعة وكان معاه ألعابه في شنطته، وهو عارف ومتأكد إن دي هتبقى آخر مرة يروح فيها وآخر مرة يحكي فيها حاجة".