كشفت والدة الشاب الراحل محمود سيد محمود، الذي كان يبلغ من العمر 22 عامًا، تفاصيل قتله على يد سائق تاكسي بمنطقة المطرية خلال الأيام الماضية.

وقالت إن الأزمة من البداية كانت بسبب خلاف علي ركنة عربية، والمتهم في القضية ومعه شقيقه قاموا بقتل نجلي بالشارع، وطعن والده في الصدر، معلقة :" أبني مات وزوجي يعالج الآن بأحد المستشفيات في منطقة رمسيس".

وأوضحت والدة الشاب الراحل خلال برنامج كلبش، تقديم الإعلامي حسن محفوظ، أنها علمت بخبر المشاجرة من الجيران قائلة:"  أنا كنت في الشقة لقيت الناس طالعين بيقولولي ابنك سايح في دمه في الشارع، قلتلهم مستحيل، نزلت لقيت مدبحة في الشارع".

ولفتت إلى أن نجلها لم يتزوج، وهو عريس في الجنة، جنازته كانت زفة، افتكرت لما كنا بنتكلم عشان نحجز قاعة الفرح وكان عايزة يحجز في قاعة كبيرة عشان حبايبه كتير.

ودخلت في حالة بكاء قائلا :" عايزه حق أبني، أبني كان هيتجوز لسه،، ولما دخلت عليه وهو ميت كانت عنيه فيها دموع.. أنا بطالب بالقصاص العادل، عايزة حق ابني من اللي عملوه فيه كدا".