كشف الفنان حسام حبيب، عن العديد من الأسرار عن حياته الشخصية والفنية، موضحا علاقته بالله سبحانه وتعالى.
وقال حسام حبيب، خلال استضافته في برنامج "ع المسرح" الذي تقدمه منى عبدالوهاب المذاع على شاشة "الحياة": "أنا بحب ربنا جدا ودايما في دماغي، بس حاجة غريبة جدا مبصليش، لأني أنا خايف ابقى مزعل ربنا مني علشان كده أتفادى الاتصال المباشر مع ربنا، وده غلط".
وأضاف "حبيب": "الهروب فيه نوع من أنواع الكذب لإن ربنا شايف عيوبي ومطلع على كل شيء وشايفني طول الوقت، وبالتالي الصلاة تنهى عن الفحشاء والمنكر، ولما اقف قدام ربنا أخطائي هتقل".
وأوضح قال الفنان حسام حبيب، أن والده لم يساعده في بداية مشواره الفني، ورفض إنتاج أول ألبوم له رفقة أصدقائه.
وأضاف "حبيب": "أبويا خاف أنجح يقولوا نجح لأن أبوه بينتج له وقال لي أنا جاي وفاكرك عيل صغير عنده حاجة نفسه يحققها فأحققها له واخلص، لكن لما جيت لقيتك موهوب بجد عرفت إنه لو عملت لك ألبوم هيتقال عنك إيه، الولد اللي أبوه بينتج له.. روح ابدأ حياتك لوحدك أنت ذكي كفاية تعرف إزاي تبدأ".
وتابع: "وقتها كان الكلام محبط بالنسبة لي، وافتكرته بيقول أي كلام ولكن لما عملت كده وابتديت أتعب وألف على شركات انتاج وملحنين، وحياة مش شبهي خالص وأنا عندي مشكلة في حياتي ما اعرفش اتنازل عن حاجة أبدًا وعندي حاجات اتعلمتها بيسموها deal breaker بمعنى لو قولت لي الشرط ده.. انتهى الموضوع بيني وبينك.. ومش هفكر حتى لو أنا مش هحقق حلمي".
